سه‌ره‌کی        په‌یوه‌ندی        ئه‌رشیف        لینک        زانیاری ماڵپه‌ڕ
   
وتاری هه‌ڤاڵ مسته‌فا چاوڕه‌ش - یادی چله‌ی شه‌هیدانی لیوای یه‌كی پاراستنی سلێمانی
جیهان ‌
  عەفرین و مەنبەج لە تیرۆریستان پاكدەكەینەوە
به‌روار: 18/12/2017

رەجەب تەیب ئەردۆغان، سەرۆك كۆماری توركیا رایگەیاند، عەفرین و مەنبەج و گرێ سپی، رەسولیان و قامشلۆ  "لە تیرۆریستان" هەروەها سنوورەكانیان ، لە شەمزیانانەوە تا چیای یایلە پاكدەكەنەوە و رێگە نادەن هێلانەی "تیرۆر" لە ژێر سنوورەكانیاندا بێت.

لە میانی بەشداریكردنی لە رێوڕەسمی كردنەوەی كۆمەڵە پڕۆژەیەك لە شاری كارەمان ناوەندی پارێزگای مەرەش رەجەب تەیب ئەردۆغان سەرۆك كۆماری توركیا وتارێكی پێشكەش كردو رایگەیاند، "بەشێك لە ھێزەكان دەیانەوێ ئەو جوگرافیایەی ئێمە بە سیناریۆی جیاواز بگۆڕن، چەند دەسەڵاتێكی ناوچەكەش پشتیوانی لەو ھێزانە دەكەن".

ئاماژەی بەوەشكرد، "رێكخراوكانی تیرۆریستی بێ رەوشترین و خوێناویترین ئامێری ئەو یارییەن، ئێمە ئەو یاریەمان دیت و ھەنگاوی پێویست بۆ تێكدانی ئەم یاریانە دەنێین".

ئەردۆغان ئەوەشی وت، "ھیچ كام لەو پێشھاتانەی كە لە دەوروبەری وڵاتەكەمان روودەدەن، لە یەكتری جیا نین و پەیوەندییان بەیەكەوە هەیە، ئامانجی كۆكوژی مرۆیی و شارستانی لە وڵاتی سووریا و بەردەوامی ستەمكاری لە قودس یەك شتە، قەیرانەكانی عێراق و یەمەن و كەنداوی عەرەبی لە چوارچێوەی ھەمان پڕۆژە دان".

ئەردۆغان لە درێژەی وتارەكەیدا رونیشیكردەوە، "سنوورەكانی توركیا لە تیرۆریستان پاكدەكەینەوە، عەفرین گرێ سپی و رەسولیان و قامیشلۆ لە تیرۆریستان پاكدەكەینەوە، لە شەمزیانانەوە تا چیای یایلە گشت سنوورەكانمان لە تیرۆریستان پاكدەكەینەوە، رێگە نادەین هێلانەی تیرۆر لە ژێر سنوورەكانمان دابنێن".