سه‌ره‌کی        په‌یوه‌ندی        ئه‌رشیف        لینک        زانیاری ماڵپه‌ڕ
   
وتاری هه‌ڤاڵ مسته‌فا چاوڕه‌ش - یادی چله‌ی شه‌هیدانی لیوای یه‌كی پاراستنی سلێمانی
راپۆرت ‌
  راپۆرتێکی گرنگ..
به‌روار: 30/12/2017

پلانی نوێی ئەمەریکا لە رۆژئاڤا-باکور و رۆژهەڵاتی سوریا، لێدانیکی کوشندەیە بۆ مۆدێلی دەولەت-نەتەوە..
وەزیری بەرگری ئەمەریکا جیمس ماتیس دوێنێ لە کۆنگرەیەکی رۆژنامەوانیدا ، هۆشداری توندیدا بە رژێمی بەشار ئەسەد ئەگەر هیرش بکاتە سەر قەسەدە کە یەپەگە پێکهاتەی سەرەکیەتی.
ئەم هۆشداریە دوای ئەوە هات کە رژێمی بەشار ئەسەد کوردی بە خیانەتکار وەسفکرد وئەمەریکاش بە داگیرکار.
وەزیری بەرگری ئەمەریکا گوتی: ئێمە پشتیوانی وبەرگری لە هاوپەیمانەکانمان دەکەین کە پایتەختی تیرۆریستانی داعش "رەقە"یان ئازادکرد.
سەردێری گەورەترین پلانی بۆ ساڵی دابێی ئەمەریکای ئاشکرا کرد و گوتی: ژمارەی دیپلۆماتکار و هیزی سەربازیی لە باکور ورۆژهەلاتی سوریا زیاد دەکەین .
بەزمانی دیپلۆماسی ، کاتێک ئەمەریکا دەڵێت ژمارەی دیپلۆماتکار زیاد دەکەین ،سێ واتای گرنگی هەیە:
- پشتیوانی لە پرۆژەی سیاسی باکوری سوریا ،کە فیدرالییە.
- پشتیوانی ماددی بۆ ژێرخانی ئابوری ئەو دەڤەرە.
-ئەو دەڤەرە لە هەر هێرشێک دەپارێزێت ، جونکە ئەمەریکا دیپلۆماتکار ناباتە هیچ شوێنێک ئەگەر دڵنیا نەبێت کە دەتوانێت لەگەڵ هاوپەیمانەکانی بیانپارێزێت. ئەمەریکا دڵنیایە کە یەپەگە گەرەنتیە. 
گۆتەیەکی هێجگار گرنگی بەکارهێنا کاتێ گوتی: لە قۆناغی کۆنترۆڵی خاک دەگوازینەوە بۆ قۆناغی دەستەبەرکردنی ئارامی وئاسایش بۆ دانیشتوانی دەڤەرەکە.
لە بواری پشتیوانی سیاسی و دیپلۆماسی ئەمەریکا دەیەوێت پرۆژەی چارەسەریی فیدراڵی بۆ تەواوی سوریا وەک تاکە چارەسەرێک بۆ داهاتوی نزیکی سوریا ببینێت.
دەبێ بوترێت سەرۆک ترامپ بری ٣٩٤ ملیۆن دۆلار تەرخانکرد تەنها بۆ کرێنی چەک و پێداویستیە سەربازییەکان ، ئەمەریکا دەیەوێت یەپەگە ژمارەی بگاتە ١٠٠ هەزار شەرڤان ، جگە لە شەرڤانی ئیداری ولۆجستیک.
ئەمەریکا وەک وەزیری دەرەوەش،تیلەرسۆن، ئاماژەی پێدا ئەو ستاتیۆیە دەپارێزێت کە لە باکور ورۆژهەڵاتی سوریا ئاوا بووە.
بۆ لەمەودوا ئەمەریکا بودجەیەکی زۆریش تەرخان دەکات بۆ سەرلەنوێ ئاوەدانکردنەوەی ژێرخانی شار و شارۆچکە و گوندەکان کە ئەمە گرنگییەکی زۆری هەیە.
جێگای باسە هەلبژاردنی پەرلەمانی فیدراڵی باکور و رۆژهەڵاتی سوریا لە سەرەتای ساڵی دابێ ئەنجامدەدرێت .بەمەش تەواوی بەرێوەبردنی کۆمینەکان ، شارو شارۆچکەکان تا دەگاتە پەرلەمانی هەرێم ، شەرعیەت وەردەگرن و دەبنە ستاتیۆیەکی شەرعی.



Niyaz Hamid Braim