سه‌ره‌کی        په‌یوه‌ندی        ئه‌رشیف        لینک        زانیاری ماڵپه‌ڕ
   
وتاری هه‌ڤاڵ مسته‌فا چاوڕه‌ش - یادی چله‌ی شه‌هیدانی لیوای یه‌كی پاراستنی سلێمانی
جیهان ‌
  دروشمى ((نان و كار و ئازادى)) لة ئيسَتاى ئێراندا !
به‌روار: 30/12/2017



ماوەی 2 ڕۆژە خۆپیشاندانی جەماوەری لە شارەكانی(( مەشهەد و كرماشان و تاران و ڕەشت و قوم و ئەسفەهان و سنە و خوڕەم ئاباد و شیراز و هەمەدان و موحەمەڕە و قەزوێن و ساری و زاهیدان و قوتشان و بیرجند)) سەریانهەڵداوە ،هۆكاری ئەم خۆپیشاندانانە وەك بڵاوبۆتەوە بریتین لە:
1. برسێتی 
2. گرانی
3. بێكاری
4. نەبونی ئازادی
ئاشكرایە ئێران پێشهاتنی ڕژێمی كۆماری ئیسلامی ئێران بۆسەر حوكم پێش 39 ساڵ لەمەوبەر و لەساڵی 1978دا،وڵاتێكی پڕا وپڕ بوو لە ئازادیەكانی كەسی نەك سیاسی و تاڕادەیەكیش نان و كار هەبوە،هەرچەندە ڕژێمی حەمەڕەزای شای ئێرانیش ڕژێمێكی بنەماڵەیی و تاكڕەو و چەوسێنەر و بە هێزی ئاگر و ئاسن حومكڕانی دەكرد و هەموو میلەتانی ئێرانی دەچەوساندەوە.
لەئێستادا و دوای 39 ساڵ حومكڕانی بەناو ئیسلامیەكانی شیعە مەزهەبی ئێرانی، سەرتاپای جەماوەری ئێران بەهەموو پێكهاتە نەتەوەیی و ئاینی و مەزهەبیەكانەوە توڕەو زویر و ناڕازین لەم حوكمڕانیە تاكڕە و وخۆسەپێن و مەزهەبیە،چونكە:
1. دەسەڵاتدارانی ئیسلامی ئێرانی هەر لەسەرەتای شۆڕشەكەیانەوە هەوڵی هەناردەكردنی شۆڕشیان دەدا بۆ وڵاتانی ناوچەكە و شەڕی عێراق ئێرانی 8 ساڵەش بەشێك بوو لەو پلانە.
2. دوای كۆتایهاتنی شەڕ،ئێرانیەكان بەجۆرێكی تر كەوتنە هەناردەكردنی شۆڕشەكەیان و لەڕێگەی پشتیوانی و دەستگیرۆیی كردن و یارمەتی و هاوكاری مادی و مەعنەوی بۆ گروپە شیعە مەزهەبەكان لە وڵاتانی ناوچە و تەنانەت دونیاشدا،بۆ هاندانیان دژی حوكمڕانی وڵاتەكانیان.
3. لە ئەنجامی ئەم هەموو دەستێوەردان و خەرجكردن و بەهەدەردانی سەروەت و سامانەی وڵات و گەلانی ئێران لەسەر ئەو گروپ و تاقمە تیرۆریست و توندڕەوانە،و گرنگیدان بە سیاسەتی دەرەوە لەسەر حسابی سیاسەتی ناوخۆیی و خزمەتكردن و ئاوەدانكردنەوەی وڵات.جەماوەری ئێران زۆر توڕە و ناڕازین.
4. ئێران لە ئێستادا و لە ئەنجامی ئەو سیاسەتی پشتیوانی گروپ و تاقمانەوە،لە ژمارەیەك وڵاتانی ناوچەكەدا باڵادەستە وەك(( عێراق و سوریا و لوبنان و یەمەن و عومان و بەحرەین, ..هتد. )) و هەوڵی گەمارۆی سعودیە و ئیمارات و میسریش دەدات. و ململانێی توندیش لەگەڵ ئەمریكا و خۆرئاواییەكانیش دەكات و بەهەقیش بۆتە خاوەن نفوز و بڕیار لەناوچەكەدا.
هەموو ئەم كارانە بونەتە هۆی توڕەبونی میلەتانی ئێران و لە ئێستادا خۆپیشاندان دەكەن و دروشمی((بڕوخێ‌ دیكتاتۆریەت)) و (( نان و كار و ئازادی))یان بەرزكردۆتەوە.
بۆیە ئەم خۆپیشاندانە ناوخۆییانە لەلایەك بریتیە لەڕەنگدانەوەی توندی ململانێ‌ ماوخۆییەكانی باڵە جیاوازەكانی ناو ڕژێمی ئێران لە سوپا و پاسداران و كۆنەپارێز و ڕیفۆرمخوازەكان و لەئێستالشدا لەنێوان(( احمدی نەژاد و حەسن ڕۆحایندا))ڕەنگی داوەتەوە. وپێدەچێت سەرەتایەك بێت بۆ هێواش هێواش بنكۆڵكردن و لاوازبوونی ڕژێمی ئێرانی و دەستێوەردانی دەرەكی و دواتریش ڕووخاندنی.



Nawzad Mohandis