سه‌ره‌کی        په‌یوه‌ندی        ئه‌رشیف        لینک        زانیاری ماڵپه‌ڕ
   
وتاری هه‌ڤاڵ مسته‌فا چاوڕه‌ش - یادی چله‌ی شه‌هیدانی لیوای یه‌كی پاراستنی سلێمانی
کوردستان ‌
  یەپەگە ھێرشی پێچەوانەی ئەنجامدا..تورکیا کوژراوو برینداری زۆری ھەیە
به‌روار: 23/01/2018

دوای پەلامارەکانی تورکیاو گروپە توندڕەوو تیرۆریستیەکانی سوپای سوریای ئازاد بۆسەر عەفرین، شەڕڤانانی یەپەگەو یەپەژە ھێرشی پێچەوانەیان ئەنجامدا، وتەبێژی گشتیی یەپەگەش زانیاریەکی گرنگ ئاشکرادەکات و ڕایدەگەیەنێت، "چەتەکانی تورکیاو سوریای ئازاد کوژراوو بریندارێکی زۆریان ھەیە"، دەشڵێت:"تائەم ساتەوەختە، تورکیاو چەتەکان نەیانتوانیوە بستێک لەخاکی عەفرین داگیربکەن".

نوری مەحمود وتەبێژی گشتیی یەکینەکانی پاراستنی گەل (یەپەگە) ڕاگەیاند، "ئەمڕۆ 23ی 1ی 2018 شەڕڤانانی یەپەگەو یەپەژە ئۆپەراسیۆنێکی پێچەوانەیان دژی سوپای تورکیا لەناوچەکانی شەھباو عەفرین ئەنجامداو لەئەنجامدا توانیویانە 53 سەربازو چەتەی قەڵغانی فورات بکوژن و ٣٠ی دیکەش برینداربکەن".

وتیشی:"چەند خولەکێک پێش ئێستا لەڕوبەڕوبونەوەیەکی نێوان شەڕڤانان  لەگەڵ سوپای تورکیاو تیرۆریستە ھاوپەیمانەکانی لەناوچەی ڕەجۆ، توانراوە 24 چەتەی تورکیاو تیرۆریستیەکانیش بکوژین و ئۆتۆمبێلێکی سەبازیش تێکبشکێنین".

وتەبێژەکەی یەپەگە ئەوەشی ڕاگەیاند، ھەر لەکاتی ئەو چالاکیانەی شەڕڤاناندا فڕۆکەکانی تورکیا بۆردومانی ناوچەکانی ڕەجۆیان کردوە.

ئەوەشی ڕونکردەوە، "ھەماھەنگە ستراتیژیەکانمان لەگەڵ ھێزەکانی ھاوپەیمانی نێودەوڵەتی بەتایبەتی ئەمریکا بەردەوامەو پاڵپشتی تەواویشمان لێدەکەن لەشەڕ دژی تیرۆریستاندا".

نوری مەحمود جەختیکردەوە، "ئەو پڕوپاگەندانەی بڵاودەکرێنەوە گوایە تورکیا چەند ناوچەیەکی لەعەفرین داگیرکردوە ناڕاستە، چونکە تاوەکو ئەم ساتەوەختە سوپای تورکیا نەیتوانیوە پێشڕەوی بکات و یەک بست لەخاکی عەفرین داگیربکات".

تورکیاو ھێزەکانی ئۆپۆزسیۆنی سوریا ماوەی چوار ڕۆژە پەلامارو بۆردومانیان بۆسەر یەپەگەو عەفرین دەستپێکردوە، بەڵام لەلایەن شەڕڤانانی یەپەگەو یەپەژەوە بەتوندی وەڵامدروانەتەوە، وەکو وتەبێژی یەپەگەش باسیدەکات، "تورکیامان ناچار بەپاشەکشە کردوە".

snnc