سه‌ره‌کی        په‌یوه‌ندی        ئه‌رشیف        لینک        زانیاری ماڵپه‌ڕ
   
وتاری هه‌ڤاڵ مسته‌فا چاوڕه‌ش - یادی چله‌ی شه‌هیدانی لیوای یه‌كی پاراستنی سلێمانی
شه‌هیدان ‌
  شـــەهید عوسمان ماوەتی
به‌روار: 07/02/2018

عوسمان عەزیز ئەحمەد ناسراو بە عوسمان ماوەتی ساڵی 1957 لە شاری هەڵمەت و قوربانی لە گەڕەکی برایم پاشا سەروی سابونکەران لە خێزانێکی ڕەنجدەر لەدایک بووە ، و لە قوتابخانەی مەحوی خوێندنی سەرەتایی تەواو کردوە ، هەمیشە لەگەڵ خوێندن هاوکاری باوکی دەکرد بۆ بژێوی ژیانی خێزانە ماندووەکەیان ، کۆڵەکەی بژێوی خێزانەکەیان بوو ، دوای خوێندنی سەرەتایی ناچار درێژەی بەخوێندن نەداو هاوشانی باوکی خەریکی بژێوی ژیان بوو ، پاشان وەک پۆلیس لە بەڕێوەبەرایەتی پۆلیسی سلێمانی دامەزرا ،بەڵام هەستی شۆڕگێڕی و چەوسانەوەی نەتەوایەتی هانی دا پەیوەندی بە ڕێکخستنەکانی کۆمەڵەوە بکات و لەساڵی 1978 بەیەکجاری خەباتی گواستەوەو لەلای شەهید جمالی علی باژیر بووە پێشمەرگە ، دەستاڕی ئەزمونی ژیان لەقوتابخانەی شۆڕش عوسمانی کردە کەسێکی کامڵی شۆڕش و کەسێکی خۆنەویست و چاونەترس بەرامبەر دوژمنانی گەل ، لە سنوری تیپی ۳۷ شارباژێڕ عوسمان تواناکانی خۆی بەجۆرێک نیشاندا هەزوو بوە جێی متمانەی جەماوەری ناوچەکەو پێشمەرگەی سنورەکە ، پاشان لەبەر لێوەشاوەیی بوو بە فەرماندەی کەرتی یەکی تیپی ۳۷ ، عوسمان پێگەی دوژمن نەما لەسنورەکە زەبری لێ نەدا دەورێکی باڵای بینی لە تەئدیب کردنی خۆفرۆشان و ترساندنی بەعسییەکان ، 
شەهید عوسمان ژیان هاوسەری پێک هێنابوو خاوەنی ٤ منداڵی چاوگەشی نەوەی دواڕۆژی کوردستان بوو، کاتێک لە ۱۹۸٤/۱۲/۱٥ لە بەندەنی واژە لەگەڵ پۆلێک پێشمەرگە توشی شەڕێکی دەستەویەخە دێن لەگەڵ گەلەجاش و سەربازەکانی ڕژێم پاش وەشاندنی گورزێکی کەمەرشکێن عوسمان ماوەتی شەهید دەبێت و بەیداخی درێژەدان بەخەباتی کوردایەتی بۆ هاوڕێ و هاوسەنگەرانی جێدەهێڵێ و دەچێتە کاروانی سەروەرانی نیشتمان .

سوپاس بۆ هەڵۆی شەهید عوسمان ماوەتی بۆ ناردنی زانیاری و وێنەکان .


.