سه‌ره‌کی        په‌یوه‌ندی        ئه‌رشیف        لینک        زانیاری ماڵپه‌ڕ
   
وتاری هه‌ڤاڵ مسته‌فا چاوڕه‌ش - یادی چله‌ی شه‌هیدانی لیوای یه‌كی پاراستنی سلێمانی
عێراق ‌
  عەبادی: لەگەڵ هەرێم لەسەر هەناردەکردنی نەوت لە ڕێی بەندەری جەیهانەوە ڕێککەوتووین
به‌روار: 28/02/2018

حەیدەر عەبادی سەرۆک وەزیرانی عێراق رایگەیاند، لەگەڵ حکومەتی هەرێم لەسەر هەناردەکردنی نەوت لەڕێی بەندەری جیهانەوە ڕێککەوتوون و بەمزووانە دەستپێدەکات.

عەبادی دوێنێ لە کۆنفرانس هەواڵی هەفتانەی خۆیدا وتیشی، هەردوولا لەسەر چارەسەرکردنی کێشەکان ڕێککەوتوون و گفتوگۆکانیان لەو بارەیەوە لەگەڵ کورد و تورکیا بەردەوامە.

ئەوەشی ئاشکراکرد، ئێستا گفتوگۆکانیان لەگەڵ تورکیا دەستپێکردووە و دەسەڵاتدارانی تورکیا پێیان راگەیاندون لە ماوەی ١٠ رۆژدا وەڵامیان دەدەنەوە.

عەبادی پرسیاری ئەوەشیکرد، ملیاران دۆلار پارەی نەوتی هەناردەکراوی هەرێمی کوردستان بۆ کوێ رۆیشتووە و چی لێهاتووە؟

ئاماژەی بەوەش کرد، ئەو لیژنانەی بەغدا بۆ وردبینی لە لیستی موچەی فەرمانبەرانی هەرێم ناردوونی، لە کارەکانیان بەردەوامن و بەمزووانە ئەنجامەکانیان ڕادەگەیەنن.

سەبارەت بە هەڵبژاردنەکانی عێراقیش، ئەوەی رەتکردەوە هیچ ڕێککەوتنێک هەبێت لەدوای هەڵبژاردنەکان کوتلەیەکی گەورەتر پێکبهێنن.

هەروەها باسیشی لە دۆخی کەرکوک کرد و پێداگری حکومەتی لەسەر سەقامگیری باری ئەمنی شارەکە دووپاتکردەوە، هەواڵی کشانەوەی هێزە ئەمنییەکانیشی بە پڕوپاگەندە ناوبرد.