وەزارەتی ناوخۆی عێراق لە راگەیاندراوێکدا بڵاویکردەوە، پشتبەستوو بە زانیاریی ھەواڵگری، ھێزەکانی پۆلیسی پارێزگای نەینەوا، ھەڵمەتێکی ئەمنیی فراوانیان لە چەند ناوچەیەکی بەری راستی موسڵ ئەنجامدا و بەھۆیەوە ١١ تیرۆریستی داعش دەستگیرکراون، وتیشی، ھەڵمەتە ئەمنییەکان لە چەند ناوچەیەکی ئەو شارە بەردەوام دەبێت.

پێشتریش سەرچاوەیەکی ئەمنی لە پارێزگای نەینەوا رایگەیاندبوو، لە چەند ھەڵمەتێکی ئەمنیدا لەبەری راست و چەپی موسڵ، دەیان تیرۆریستی داعش دەستگیرکراون.