سه‌ره‌کی        په‌یوه‌ندی        ئه‌رشیف        لینک        زانیاری ماڵپه‌ڕ
   
وتاری هه‌ڤاڵ مسته‌فا چاوڕه‌ش - یادی چله‌ی شه‌هیدانی لیوای یه‌كی پاراستنی سلێمانی
راپۆرت ‌
   ڕاپۆرتێك لەسەر وڵاتی گوڵ
به‌روار: 23/04/2018

ڕۆزا حەمەساڵح
هۆڵەندا بەدڵی كەرتی كشتوكاڵی گوڵ دادەنرێت لە هەموو جیهاندا، كۆمەڵێك كۆمپانیای گەورە تێدایە، كە بە شێوازی تۆڕی جۆراو جۆرو ئاڵۆز و بە كوالێتی بەرز كاردەكەن.

ئەم كۆمپانیانە چەند بەشێك پێك دێنن، كە بریتین لە كۆمپانیای بەتوربە كردن‌و كۆمپانیای ناشتنی گوڵ و كۆمپانیای فرۆشتن و هەناردە دەرەوەەی گوڵ .

هەروەها تۆڕەكانیش چەند بەشێك پێك دێنن، كە بریتین لە تۆڕی جوتیاران‌و تۆڕی مەزاد كردنی گوڵ و تۆڕی پێشكەش كردنی خزمەت گوزاری .

گەورەترین كۆمپانیای گوڵ‌و رووەكەكان لە وڵاتی هۆڵەندایە ، كە ژمارەی كارگوزار تێیدا 4100 كارمەندە ، ساڵانە نزیكەی 4 ملیار یۆرۆ داهاتییەتی ، رۆژانە نزیكەی 34.5 ملیون گوڵ و 2.3 رووەك دەفرۆشێت .

هەروەها ساڵانە نزیكەی 4.32 ملیار گوڵی تولیب بەرهەم دەەێنێت 53%، كە دەكاتە 2.3 ملیاری ئەم تولیبانە گەشە دەكات بۆ ئەوەی ببێت بەگوڵ‌و نزیكەی 1.3 ملیاری دەفرۆشرێت واتا 57% لە ناوخۆی هۆڵندا وئەوەی تری دەنرێتە دەرەوەی هۆڵندا .

شارەی ئەڵسمیر یەكێكە لەو شارانەی هۆڵەندا، كە گەورەترین بازاری گوڵ فرۆشتنی تێدایە لە هەموو جیهاندا.

باخجەی كیوكینهۆف (Keukenhof ) ، كە بە باخچەی ئۆرپا ناسراوە بە گەورترین وجوانترین باخچە دادەنرێت لەهەموو جیهاندا، دەكەوێتە نزیك شاری ئەمستردامی پایتەختی هۆڵندا، ساڵانە نزیكەی 7 ملیون گوڵی تێدا دەنێژرێت ، هەموو ساڵێك لەكۆتایی مانگی سێ دا تا ناوەڕاستی مان پێنج دەرگاكانی بەڕووی گەشتیاراندا دەكاتەوە .

هەروەها ساڵانە لە مانی سێپتەمبەردا ڤیستیڤاڵی كەشتی گوڵ لەچەند شارێكی هۆڵەندا بەڕێوە دەچێت، كە گەورەترینیان لەشاری زۆندرت (Zundert) ە ، تێیدا چەندەها پەیكەری جۆراوجۆر، كە لە گوڵ دروست كراون نمایش دەكرێت .