سه‌ره‌کی        په‌یوه‌ندی        ئه‌رشیف        لینک        زانیاری ماڵپه‌ڕ
   
وتاری هه‌ڤاڵ مسته‌فا چاوڕه‌ش - یادی چله‌ی شه‌هیدانی لیوای یه‌كی پاراستنی سلێمانی
له‌میدیاکانه‌وه‌ ‌
  یەكێتی نیشتمانیی كوردستان لە یادی 43 ساڵەیدا
به‌روار: 05/06/2018


ئێستا 43 ساڵە یەكێتی نیشتمانی كوردستان بەردەوامە لە خەبات و تێكۆشان 43 ساڵە و لە كاروانێكی سەخت و دژواردایە كە بە هیچ كلۆجێك ناكرێت و نابێت لە مێژووی كورد لە باشووری كوردستان و بگرە لە كوردستانی مەزنیشدا جودا بكرێتەوە .
كاروانێك هەر لە سەرەتای بەڕێ كەوتنیەوە سەركردەكانی ڕیزی یەكەمی بوونە فیداو قوربانی ڕێبازەكەیان و ڕاستگۆیانە هەموو گفتەكانیان كر بە كردار و جێبەجێ‌ یان كرد و بوونە سەرمەشقی شێوازێكی نوێ‌ی بەرخۆدان و ململانێ‌ لە پێناو مانەوەدا بە پشت بەستن بە توانای خۆیان و پشتیوانی خەڵكی كوردستان .
بەڵێ‌ ئەم یەكێتیە دەكرێت وەكو تاكە ڕێكخراوێكی نیمچە بەرەیی كە بە ڕاو بۆچوونی جیاوازەوە لە دایك بوو كە خاڵی بەهێزیشی هەر ئەوە بووە كە توانی شۆڕشێكی چەكدار بە ئاكام بگەیەنێت. لە كۆتاییدا بە هاوكاری لایەنەكانی تری بەرەی كوردستانی و بۆ یەكەمجار لە مێژووی كوردا لە باشووری كوردستان كە ڕاپەڕینێكی گەورەی جەماوەری ڕابەرایەتی بكات بە كەڵك وەگرتن لە بارودۆخ و هەلومەرجی نێودەوڵەتی دوای شەڕی كەنداوی یەكەم لە ساڵی 1991و دواتر پەرلەمان و جكومەتی هەرێمی كوردستان لە دایك بوو .
نامەوێت من لێرەدا و لەم یادەدا مێژووی یەكێتی بنووسمەوە ئەوە بابەتێكە لەوەیە لێرەدا نەكرێت دەیان كتێبی لەسەر نووسراوە و ئەمانە ڕووداوی تازەن و هێشتا لە بیرەوەری زۆرماندا زیندوون، ئەوەی گرنگە ئێستا یەكێتی لە قۆناغی دوای مەرگی ڕێبەر و باوكە ڕۆحیەكەی جەنابی مام جەلال چۆن دەتوانێت درێژە بەم كاروانە بدات؟
ئایا هەر باسی سەروەری و فیداكاری و مێژووەكەی بە ڕووە پرشنگدارەكانیەوە بۆ خەڵك بكات و لێی بداتەوە و جارجار باسی كەموكورتی و هەڵەكانیشی نەكات كە بێگومان هەركەس كاربكات و خەبات بكات و تێبكۆشێت باش و خراپیش دەكات ناكرێت هەڵوێستەیان لە ئاستدا نەكات ؟
لە ئێستادا و لە دوای هەڵبژاردنەكانی ئەنجومەنی نوێنەرانی عیراق لە 12 مایس2018 ئەم هێزە لە بەردەم ئەرك و بەرپرسیارێتیەكی مێژوویی و قورستر دایە لە جاران، دەبێت ڕۆڵی پێشڕەو بوون و بەرگریكاری سەرسەختی مافەكانی خەڵك بێت لە ناوەند و لە هەرێم دەبێت خۆی نوێ‌ بكاتەوە خوێن و نەوەی نوێ‌ لە ناو ئەم هێزەدا كە لەشكرێكی گەورەن بواریان بۆ بڕەخسێت و بێنە پێشەوە، بەڕادەیەك هاوسەنگی لە نێوان ڕەعیلی یەكەم و نەوەكانی نوێدا بێتە ئاراوە.
من لە گەڵ ئەوە نیم سەد دەر سەد نەوەی نوێ‌ بەڵكو ئەزموون و خەبات و حیكمەتی ئەوانی پێشووتریش گرنگە بۆ ئێستا و داهاتووی ئەم هێزە ئەگەر بیەوێ‌ بە زیندوویی بمێنێتەوە .
دەبێت ئەمجارە یەكێتی بەشداری حوكمڕانی و حكومەت بوو دەبێت بەڕاستی هاوبەش بێت و لە ئاست متمانەی دەنگدەرەكانیدا بێت نابێت یەكێتی لە حكومەتدا بێت و وەڵامی گلەیی و گازندەو نیگەرانییەكانی خەڵكی ئەم وڵاتەی پێ‌ نەبێت .
نابێت یەكێتی لە حكومەتدا بێت و پەرلەمان نەتوانێت وەزیر بانگهێشتی پەرلەمان بكات، بە فەرمانی سەرۆك وەزیران دەبێت كادر و نوێنەرەكانی ئەم حزبە لەمەودوا پارێزەر و داكۆكیكاری بەرژەوەندییەكانی هاوڵاتیانی ئەم وڵاتە بن بە هەموو پێكهاتەكانیەوە، بەوە گرەو دەباتەوە بەوە دەتوانێت بێتە ناو میللەت و ڕووبەڕووی خەڵكی خۆی بێتەوە لەهەموو كات وساتێكدا .
لەم یادەدا هەموو شەهیدانی ئەم حزبە نەوەكانیان كەسوكاریان چاویان لەم حزبە یە كە خوێنی جگەرگۆشەكانیان ئازیزەكانیان هاوسەرەكانیان بە فیڕۆ نەدات و بە مەنزڵ و مورادی بگەیەنێت ئەویش بە سووربوونە لە سەر ڕێبازەكەی كە خۆی لە مافی چارەنووس و ئاشتی و ئازادی مافی مرۆڤدا دەبینێتەوە .
لە كۆتاییدا ڕووداوەكانی چەند ساڵی ڕابردوو ئەوەی سەلماند كە، لاواز بوونی ئەم هێزە لاوازی و هاوسەنگی دیموكراسی و حوكمڕانی لێدەكەوێتەوەو پەرت بوونی هێزەكان و سەرهەڵدانی گروپ و حزبی بچووك، جگە لە نائومێدی و پاشاگەردانی و بێسەروبەرەیی هیچی دی لێ‌ سەوز نابێت و ڕیفۆرم و چاكسازی هەر بە یەكێتی دەكرێت ئەگەر خۆی بۆ ساز و ئامادەبكات و خواستی هەبێت