سه‌ره‌کی        په‌یوه‌ندی        ئه‌رشیف        لینک        زانیاری ماڵپه‌ڕ
   
وتاری هه‌ڤاڵ مسته‌فا چاوڕه‌ش - یادی چله‌ی شه‌هیدانی لیوای یه‌كی پاراستنی سلێمانی
جیهان ‌
  ئەمریكا چیتر پشتیوانی لە گروپە چەكدارەكانی باشووری سوریا ناكات
به‌روار: 03/07/2018

سەركردەی یەكێك لە گروپەكانی ئۆپۆزسیۆن لە باشووری ئەو وڵاتە رایگەیاندووە كە ولایەتە یەكگرتووەكان لە 24ی حوزەیرانی 2018 بە گروپەكانی ئۆپۆزسیۆنی راگەیاندووە كە لەبەرانبەر هێرشەكانی سوپای سوریا بۆ ناوچەكەیان، وەڵامی سەربازیی نابێت و پشتیوانیان ناكات.
ئەو سەركردەیەی ئۆپۆزسیۆنی سوریا ئاماژەی بەو نامەیەش كردبوو كە لەیەن واشنتۆنەوە لەو بارەیەوە پێیانگەیشتووە.
وەك ئاژانسی (فرانس پرێس) ئاماژەی پێكردووە، لە نامەكەی ئەمریكا بۆ گروپەكانی ئۆپۆزسیۆنی سوریا كە بە زمانی عەرەبی نوسراوە هاتووە»پێویستە هەڵوێستی خۆمان رونبكەینەوە: تێدەگەیەن لەوەی كە پێویستە بڕیارەكاندا بەپێی بەرژەوەندی خۆتان و خەڵكی خۆتان دەربكەن، نابێت بڕیارەكانتان پشتبەستوو بەوەی كە چاوەڕوانی دەستوەردانی سەربازیی ئێمە بكەن».

هێرشەكانی سوپای سوریا
دوای چڕكردنەوەی بۆردومانەكان لە پارێزگای درعا و ریفی خۆرهەڵاتی پارێزگاكە، سوپای سوریا ئۆپەراسیۆنێكی سەربازیی بۆ ناوچەكانی باشووری وڵاتەكەی دەستپێكرد كە زۆربەی لەلایەن ئۆپۆزسیۆنی سەر بە ئەمریكا و ئوردن، كۆنترۆڵ كراون.
بە گوتەی سەركردەكەی ئۆپۆزسیۆن، نامەكە لەلایەنێكی رەسمی ئەمریكاییەوە دەرچووە و تێدا هاتووە»ئێمە لە حكومەتی ولایەتە یەكگرتووەكان، تێدەگەین لەو روشە قورسەی لەئێستادا بەسەرتاندا هاتووە، ئامۆژگاریی روسەكان و رژێمی سوریامان كردبوو هیچ كارێكی سەربازیی ئەنجام نەدەن».
واشنتۆن لەبارەی نامەكەوە هیچی رانەگەیاندبوو.
سەركردەكەی ئۆپۆزسیۆنی سوریا دەڵێت»كرۆكی نامەكە ئەوەیە كە ئەمریكا ناتوانێت ئارمەتی باشووری سوریا بدات، بەو واتایەی كە خۆتان بەرگری لە خۆتان بكەن، نامەكەش وەك رونكردنەوەیەكی ولایەتە یەكگرتووەكانە نەك وەك وەڵامی داواكارییەكی ئۆپۆزسیۆن لە ناوچەكە».
هەروەها راگەیاندبوو كە «ئەوان لە بنەڕەتدا دەیانزانی كە ئەمریكا دەستوەردانی سەربازیی لەناوچەكەدا نابێت».

باشووری سوریا و ئۆپەراسیۆنەكانی سوپا
دوای ئەوەی دوو مانگ لەمەوبەر غوتەی شەرقی و گەڕەكەكانی باشووری پایتەختی كۆنترۆڵكردەوە، دیمەشق باشووری سوریای وەك ئاراستەی داهاتووی ئۆپەراسیۆنە سەربازییەكانی دیاریی كردبوو، بۆ ئەو مەبەستەش چەند هەفتەیەك لەمەوبەر هێزە سەربازییەكانی بەرەو ئەو ناوچانە رەوانەكردبوو.
باشووری سوریا كە پارێزگاكانی درعا و قنێترە و سوەیدا لەخۆدەگرێت، لەڕووی پێگەی جوگرافی سنوریی لەگەڵ ئیسرائیل و ئوردن تایبەتمەندییەكی گرنگی هەیە، وێڕای نزیكیشی لە دیمەشق.
بەشێوەیەكی سەرەكی ئایندەی باشووری سوریا لە وتوێژەكانی نێوان روسیا كە پشتیوانی لە دیمەشق دەكات، لەگەڵ ولایەتە یەكگرتووەكان و ئوردن و ئیسرائیل، دیاریی دەكرێت.
پێشتر بەشار ئەسەد سەرۆكی سوریا، لە دیمانەیەكی تەلەفیزیۆنی رایگەیاندبوو، دوو رێگە چارە لەبەردەم گروپەكانی ئۆپۆزسیۆن هەیە لەو ناوچەیە، یان «پێكهاتنەوە»، یان یەكلاكردنەوەی سەربازیی، باسی لە پێشنیارێكی روسیاش كردبوو سەبارەت بە «پێدانی هەلێك بۆ لێكگەیشتن».
گروپەكانی ئۆپۆزسیۆنی سوریا، دەستییان بەسەر 70%ی پارێزگاكانی قنێترە و دەرعادا گرتووە، لە سوەیداش لە دەوروبەری پارێزگاكە بەڕووی خۆرئاوادا بونیان هەیە.
ئەو پارێزگایانە یەكێكن لەو چوار ناوچەیەی كە لە سوریادا رێكەوتنی هێوركردنەوەیان لەسەركراوە. بە سەرپەرشتی ئەمریكا و ئوردن لە مانگی تەمموزی 2017، ئاگربەست تێیاندا راگەیەندرا و بە تەواوەتی شەڕو پێكدادانەكان راگیران.
لەم چەند مانگەی دواییدا، سوپای سوریا دەستیگرتەوە بەسەر غوتەی شەرقی و ریفی حمس كە بە ناوچەكانی هێوركردنەوە دادەنران، بەوپێیەش لەنێوان چوار ناوچەكەدا تەنیا باشووری وڵاتەكە و پارێزگای ئیدلیب (باكووری خۆرئاوا) ماوەنەتەوە.
هەریەك لە واشنتۆن و نەتەوە یەكگرتووەكان داوایان كردبوو لە باشوور ئۆپەراسیۆنە سەربازییەكان رابگیرێن. نیكی هایلی باڵێوزی ئەمریكا لە نەتەوە یەكگرتووەكان رایگەیاندبوو»روسیا بەرپرسە بەرانبەر بە هەر ئاڵۆزییەكی نوێ‌ كە لە سوریادا دروستببێت».
لەم ماوەیەی دواییدا، روسیا بۆ یەكەم جار لە پاش ساڵێك، بۆ پشتیوانی لە حكومەتی سوریا، هێرشی ئاسمانی كردە سەر ئەو ناوچانەی كە لە دەرعا ئۆپۆزسیۆنیان تێدایە و لە ریفی پارێزگاكە رووبەڕووی هێزەكانی سوپای سوریا دەبنەوە.

















GK

زیاتر ...‌
لە لێدوانێکیدا لە میانەی کۆبوونەوەیەکی حکومی بە ڕابەرایەتی سەرۆکی ئەمەریکا دانۆڵد ترامپ، مایک پەمپیۆ وتی لە هەندێک بابەتدا گفتوگۆکان لەگەڵ پیۆنگیانگدا...
19/07/2018
به‌پێی سه‌رچاوه‌كانی هه‌واڵ سێ موشه‌ك ئاڕاسته‌ی كۆگاكانی چه‌ك و ته‌قه‌مه‌نی له‌ ناوچه‌ی شێخ نه‌جاڕ له‌ پارێزگای حه‌له‌ب كراوه‌ و تائێستا زیانه‌كانی نه...
19/07/2018
جەین شاهین سیناتۆری ئەمریکی لە حزبی دیموکراتەکانی ئەمریکا لە تویتەری رەسمی خۆی بڵاویکردووەتەوە، داواکارم لیژنەیەک پێکبهێنرێت بۆ گوێگرتن لە وەرگێڕی ویل...
19/07/2018
بە پشتیوانی ڕوسیا، هێزەکانی حکومەتی سوریا زۆربەی ناوچەکانی پارێزگای دەرعایان کۆنتڕۆڵکردەوە لە باشووری ڕۆژئاوای سوریا. بەڵام هێشتا چەکدارانی ئۆپۆزسیۆن...
16/07/2018
ئەم هێرشەش نوێترینە لەو زنجیرە هێرشانەی کە کۆتاییان نایەت لە شاری کابوڵی پایتەخت و شارە گەورەکانی دیکەی ئەفغانستان، لەوانەش جەلالئاباد کە بە تەنها ل...
16/07/2018
پۆلیسی سلێمانی له‌ په‌یجی رٍه‌سمی خۆی له‌ تۆڕی كۆمه‌ڵایه‌تی فه‌یسبووك بڵاویكردۆته‌وه‌، شه‌وی ڕابردووه‌ هێزه‌كانی پۆلیس له‌ناحیه‌ی شۆڕش ئاگادار ده‌كرێن...
16/07/2018
په‌ڕه‌یله‌ 20
ژماره‌ی بابه‌ت